Visitamos experiencias de talleres artesanais onde elaboraban prendas de la de ovella e llama , estes talleres están nas propias vivendas das familias e neles traballan todos dende os mais pequenos ata os mais maiores.
Tivemos ocasión de coñecer directamente o espírito emprendedor , como nacen casas de turismo rural moi modestas pero ben orientadas de cara ao público que teñen ao seu alcance, estudantes das cidades, “mochileiros” e en xeral persoas que buscan un teito para pasala noite sen moitas esixencias. Esperemos que poidan melloralas infraestruturas e a calidade dos aloxamentos para poder chegar a todo tipo de público, dende logo calidade humana e simpatía sóbralles.
Falamos e intercambiamos ideas formalmente nos talleres e informalmente charlamos cos axentes do desenvolvemento e a poboación en xeral. Sempre mesturábamos traballo cunha celebración, un convite, unha comida ou unha festa nocturna , penso que este “coctel” funcionou perfectamente.Resultoume especialmente sorprendente a participación da poboación local maioritariamente feminina e indíxena no grupo de Tilcara . Aprendemos que na súa cultura ten moita importancia o traballo colectivo que chaman “comunitario”, onde mais puidémolo apreciar foi na convivencia coa comunidade de Yacoraite .
